Шымкент қаласы, «Мукими атындағы №13 жалпы орта білім беретін мектебі» терең білім мен төл тәрбиенің тоғысқан ортасы. Қазақ тілі, орыс тілі және өзбек тілдерінде білім беретін мектеп, жаратылыстану-математикалық және гуманитарлық бағытта оқытады.

Забадам көшелерін тегістеп, асфальт төсеген халық ақсақалы, халықтың мұңын жеңілдетуге қашанда дайын болған ел азаматы Шарифхожа Ашурхожаев  немересі Турди Ишановқа (мектептің алғашқы директоры) Забадамға мектеп құру керектігін айтады. Атасының кеңесімен Турди Эшанов Ташкент қаласына барып, мектеп (860 оқушыға арналған «Г» тәрізді) жобасын алып келеді. № 6 мектептің директоры Пугачёв Фёдор Михайловичпен бірге Турди Эшанов қалалық білім басқармасы (гороно) ның басшысы Некрасова Ольга Сергеевнадан рұқсат алады, бірақ халық банкі ақша бөлуден бас тартады. Қалалық атқару комитетінің төрағасы Тинибаев Жомарт Болатович мәселенің оңтайлы жолмен шешілуіне жәрдем береді. Құрылысты РСУ өз жауапкершілігіне алады. 1963-1964 жылдары аралығында мектеп ғимараты салынып пайдалануға беріледі. Мектептің бірінші ұстаздары да демалыс күндері құрылысшыларға көмектеседі. Бірінші мектепке Бахор Норматова директордың оқу ісі жөніндегі орынбасары лауазымына тағайындалады, Наима Эрматова, Надежда Иванова Рашетникова, Хафиза Останқулова, Султон Корчиев, Қутбиниса Анарметова, Сайёра Корчиева, Бахор Наралиева, Ирисой Миртурсунова, және орыс сыныптарына Кобалев Александр Емельянович, Кузнецова Тамара Сергеевна, Лебедева Тамара Александровна, Петриченко Тамара Михайловналар мектептің алғашқы ұстаздары болған. Мектеп салынған кезде 16 сынып жинағы (комплекти) бар еді. Турди Ишанов директор лауазымында істеп тұрған кезеңнің соңғы жылдарында ұстаздар саны 61 ге жетіп, оқушылардың саны да артты. 1969 жылы Турди Эшанов денсаулығының нашарлауына байланысты директор лауазымын Салохиддин Саипназаровқа тапсырады. 

Саипназаров Салохиддин 1969-1985 жылдар аралығында Мукими  атындағы № 13 мектепте директор лауазымында қызмет атқарады. Жұмыс барысында 2 оқу корпусын құруда табысқа жетті. 

Мектепті 1985 жылдан 1997 жылға дейін Хотира Ташходжаева басқарды. Директор ретінде өте көп жетістікке жеткен. Бірнеше кабинеттерді паспорттаудан өткізген. Қосымша мектеп ғимаратының құрылысын жалғастырған. Мектепте қалалық, облыстық, республика деңгейінде семинарлар өткізген. Хотира Ташходжаева мемлекетіміз тарапынан лайықты түрде марапатталған.

1997-2022 жылдар аралығында Садиков Қосжан Әжібекұлы  мектепті басқарды. 08.08.2022жылы ҚР Білім және ғылым министрлігінің «Мемлекеттік білім беру ұйымдарының   бірінші басшыларын ротациялауды жүргізу қағидалары туралы» бұйрығына  сәйкес Шымкент қаласының білім басқармасына қарасты «Мукими атындағы №13 жалпы орта білім беретін мектебі» нің директоры болып Сабирова Луиза Иляшевна тағайындалды.

Мукими атындағы № 13жалпы орта білім беретін мектебінің

ТӨЛҚҰЖАТЫ

Шымкент қаласы, Әл-Фараби ауданы, Чайковский көшесі 90 мекен жайында орналасқан Мукими атындағы №13 жалпы білім беретін мектебі

Мукими атындағы №13 жалпы орта білім беретін мектебінің басты міндеті: 

1. Қазақстан Республикасының «Білім туралы» заңын жүзеге асыру мақсатында жеке тұлғаның білім алу қажеттілігін, дағдысын қалыптастыру;
 2. Білім беру сапасын жоғары деңгейге көтеру;
 3. Өзін-өзі дамытуға құштар, икемді, ақпараттық, интеллектуалдық ресурстарды қолдануға қабілетті, жеке тұлға қалыптастыру;
 4. Білім беруді басқаруды одан әрі ізгілендіру және демократияландыру;
 5. Білім мазмұнын жаңалау, оқу-тәрбие үрдісінде оқушы мен мұғалімнің қарым-қатынасын дамытуды жүзеге асыру арқылы оқушылардың білім сапасының көтерілуіне ықпал ету;
 6. Оқушылардың ғылыми жоба жарыстарына пәндік олимпиадаларға, түрлі танымдық байқауларға қатысуын қамтамасыз ете отырып, дарынды тұлғаны дамыту;
 7. Мектептің білім беру мазмұнын жетілдіру мақсатында, материалдық-техникалық базаны жақсарту;

Мектепте қазақ тілі мен әдебиеті, физика, химия, биология, информатика, дефектология, тарих кабинеттері   заманауи талапқа сай жабдықталған. «Мектептің жаны – мұғалім. Мұғалім қандай болса, мектеп сондай болмақшы. Яғни, мұғалім білімді болса, ол мектептен балалар көбірек білім алып шықпақшы. Солай болған соң, ең әуелі мектепке керегі – білімді, педагогика, методикадан хабардар, жақсы оқыта білетін мұғалім»,- деген Ахмет Байтұрсынұлы. Мукими атындағы 

№ 13 жалпы орта білім беретін мектебінің ұстаздары – жас ұрпақтың рухани сәулетшісі. Ұлағатты есімнің иесі. Шәкірттеріне бар білімі мен білгенін үйретіп, жақсы қасиеттерді бойына сіңдіріп, дұрыс тәлім-тәрбие беріп, адамгершілік рухты қалыптастырып, оқушылардың шығармашылық қабілетін шыңдауда сүбелі істер атқарып келеді. Мектебіміз «Оқуға құштар мектеп», «Өзін-өзі басқару», «Мектеп және театр», «Ұшқыр ой алаңы» дебат клубы, «Мектеп парламенті» жоба жұмыстары аясында құрылған клубтар заман ағымдарына сәйкес білімдері мен тәжірибелерін көрсетіп, кең және ауқымды жұмыс атқарып келеді. «Бала жүрегі кішкентай күй сандық, сол сандықтың кілтін тапсаң ғана ашылады. Мұғалімнің қолында әр кезде сол кілт тұруы керек»,- деп Мұхтар Шаханов ағамыз айтқандай, бала бойындағы дарынды ашып, оқушылардың уақытын тиімді өткізу мақсатында 15 үйірме жұмыс істейді. Қазақ тілін үйренейік, футбол, қыздар мен ұлдарға арналған волейбол, баскетбол, үстел теннисі, тоғызқұмалақ, ұлттық асық ойыны, шахмат, спорттық би үйірмесі, АВС ағылшын тілі үйірмесілері ұйымдастырылған. Білім ордамыз ОҚПИ, Мұхтар Әуезов атындағы ОҚМУ және басқа да білім мекемелері мен меморандум аясында бірлесе жұмыс атқарады. Оқушыларымыз қалалық, республикалық сайыстар мен олимпиадаларда жүлделі жетістіктерге жетті. 60 жылдық тарихы бар білім ошағы сан шәкіртті түлетіп мыңдаған маман иесін дайындады. Мектеп түлектері еліміздің әр саласында қызмет етуде. Мукими атындағы № 13 жалпы орта білім беретін мектебі, ұлт ұстазының туын тік көтеріп, жаңа Қазақстанның дамуына үлкен үлесін қоса бермек.